بدون عنوان

النهارده سمعت جملتين نرفزوني جدا جدا جدا

اول جمله :( احنا شعب عايز الكرباج) .. ؟

طب هو مثلا لا مؤاخذه يعني الشعب اللي بتكلم عليه ده شعب النرويج ولا شعب جزر القمر ؟ .. ولا الشعب ده 

عايش في اوضة وانت جوا اوضة تانيه ؟؟

لو اي حد مصري شايف ان الشعب المصري يستاهل الكرباج احب اقوله ان الشعب ده هو اخوك او جارك او حتى 

صاحب السوبر ماركت اللي انت بتسلم عليه كل يوم و توصيه على حاجات يجبهالك .. الشعب ده في منه ناس ماتوا عشان خاطر

 بس تحس بكرامتك وميبقاش مترسخ جوا عقلنا اننا شعب محتاج للكرباج، لاننا مش عبيد

ومش هنكون عبيد  .. ولا اسلام ولا مسيحيه بييقولوا ان الانسان يتعامل بالكرباج ... لاننا مش كائنات منحطة او شعب مش ذكي

بالعكس احنا شعب ذكي جداا و جدا جدا كمان مش عشان كنا ساكتين 30 سنة يبقا احنا مش فاهمين مشكلتنا 

اننا كنا فاهمين بس كل واحد بيقول ما التاني ساكت اكلم ليه انا لان الشجاع اللي بيكلم كان بيتنفخ

 عشان كده مينفعش نقول اننا شعب عايز الكرباج لان اللي اتقبله على غيرك 

ولو انت شايف ان احنا شعب وااطي اوي كده و زباله وولاد تييييت يبقا ع الاقل احترم الثورة اللي عايزة الناس اللي بتقول عليهم عبيد يكونوا مش عبيد

الجمله الثانيه : ( البرادعي ده انسحب عشان هو راجل سوسة ) .. ؟؟

سوبياااا بقا بجد ،، بغض النظر وانا بسمح لغيري يختلف او يتفق معايا اني عن نفسي شايفه ان اصلح حد للرئاسه هو البرادعي في وسط الفرح اللي احنا فيه ده

سواء البرادعي كان انسحب من انتخابات الرئاسه لانه شايف انه محدش هيرشحه يبقا مع ان في ناس كتير كانت هترشحه على 

فكره و الا مكانوش بقوا خايفين منوا

او انه انسحب فعلا زي ما قال عشان الدنيا كلها سلطة وانا متفقه معاه في الكلام ده جداا وان الانتخابات الرئاسيه اللي جايه دي 

انتخابات شكليه فقط

وان الرئيس القادم هو رئيس متفق عليه حزب الحريه والعداله والمجلس العسكري اللي باعوا الليلة عشان نفسهم

مع احترامي لكل الاخوانين احنا في زمن الديموقراطيه مش في زمن النفخ

اما بقا الرأي التالت اللي مستفز اووي ده انسحب عشان هو سوسة

طب لو انسحب عشان شايف ان ده مش وقته وانه ممكن يرجع تاني لما الاحوال ان شاء الله تتصلح بعد الثورة التانيه

دي مش حاجة وحشة ؟؟

هو انتوا عايزين حد فاهم في السياسه يجي يمسك البلد ولا حتى بتاع بطاطس ؟؟

انا عن نفسي بحترم انسحاب د. البرادعي لان في ظل الظروف دي مكانش هيكسب للاسف

عشان كل حاجة متظبطة والدنيا ماشيه زي الفل

بس ان شاء الله واتمنى بجد ان الثورة التانيه تنجح ونرجع ثورتنا تاني
 

امضاء :/ 

ثورية او حسب كلام الناس دلوقتي ع الثوار بلطجية

ابقا انا بلطجية وافتخر 

الدنيا عجباني

ايه ده ! .. ايه اللي حصلي؟؟ .. ايه ده ايه اللي جرا ؟!!!!
احساس وصفه صعب وبعيد .. احساسي بقا عنيد
احساس سرق قلبي مني .. والحياه بقت عجباني
ايه ده ايه اللي حصل .. الحياة بقت عجباني !!!! .. ايه ده اللي جرالي
انا خلاص مش محتاجة بيت .. قلبك كفايه
انا خلاص انسانه قويه .. طول ما انت جوايا
احساس سرق قلبي مني .. والحياه بقت عجباني !
ايه ده ايه اللي حصل .. الحياة بقت عجباني !!!! .. ايه ده اللي جرالي

هو حصلي ايه مش عارف ! .. اشمعنا هي يعني ليه؟!!
هو ايه اللي جرالي .. مبقتش قلبي قادر اتحكم فيه !
احساس سرق قلبي مني .. والحياه بقت عجباني
ايه ده ايه اللي حصل .. الحياة بقت عجباني !!!! .. ايه ده اللي جرالي
ايه ده ! .. ايه اللي حصلي ؟؟ .. ايه ده ايه اللي جرا ؟!!!
احساس وصفه صعب وبعيد .. احساسي بقا عنيد
احساس سرق قلبي مني .. والحياه بقت عجباني
ايه ده ايه اللي حصل .. الحياة بقت عجباني .. ايه ده اللي جرالي

خواطر حب من طرف واحد

ايوة انا بحبك لكن صعب اقولك 


واه يمكن مش بشوفك بس بيوحشني كلك 


بحبك لكن انت مش حاسس 


 وعايز اقولك بس للاسف خايف 

خايف تقولي انا ليك مجرد شخص و السلام


 عشان كده هفضل احبك من غير كلام


احساس ان قلبك ملك شخص مش ليك 


 نفسي ابطله بس مش عارف


اد ايه ده احساس مؤلم وصعب الاحتمال


 يخليك بس عايش جوا عالم الاوهام


بس غصب عني مضطر اقولها والسلام


 انا يا حبيبي مش بحبك ولكني بعشقك ،، وانا اسف

This is love ?!!

Why should we always be practical ?


Why don't we do what our hearts tell us ?


I feel like, i don't love anything


what's this loneliness ?


Tell me, give me some reasons


Someone always stays in my mind

Someone comes to my dreams sometimes 


Is this Love?!!


I don't know, just tell me you


This is love?!!


It's a feeling like " you need him, he needs you, you have given your heart to that person "


It's like, someone theses days lives in " Me "


This is love?!!




* I like, so i copied it :) *

الثورة مستمره

 طبعا كلنا شايفين اللي بيحصل الايام دي وباين اوي من العنوان اني هدافع عن اللي

في التحرير .. ولو انت ضدهم يبقا يا اما تسمع وجهة نظري يا اما متقراش المقاله دي 

خلونا الاول نعرف ليه يعني ايه رحيل المجلس العسكري

المجلس العسكري لما يرحل مش معناها انه يسيب البلد و يمشي ،، المجلس العسكري 

لما يرحل معناها انه يسيب الحكم ويرجع لدوره الاساسي وهو حمايه مصر

واحنا مش عايزين حاجة غير ان المجلس العسكري ينفذ وعده وهو اننا ننتخب

رئيس الجمهورية بعد انتخابات مجلس الشعب

مش عايزين حكومة شرف الانتقاليه اللي مالهاش اي تلاتين لازمة ولا عملت اي حاجة

في الفتره الانتقاليه الغير مفهوم فيها اي شئ من اساسه

وبعد ما استقالت حكومة شرف اخيرا ،، وبعد خطاب المشير طنطاوي المستفز

كعادة الخطابات اللي بتطلع في الثورة

خطابات ليس لها وضوح او رؤى 

واللي بتنفي قتل المتظاهرين على ايديهم ،، ازاي بيحاولوا يخدعوا الناس

اذا كان الاعلام الكداب بيحاول يضلل الشعب للاسف في وسيلة هما مش قادرين

يتحكموا فيها ،، وهي الانترنت

ميزة الانترنت انها بتخليك تشوف الحقيقة بعينيك

والاسف الحقيقة بتبقا زي الزفت

حسيت اننا في فلسطين ،، مش معقولة ان المصري بيموت على ايد مصري

بس واضح ان المصري اللي بيموته ده مش مصري

لو كان مصري بجد كان هيرفض انه يقتل اخوه

ولا يفرح ويهلل لرئيسه في الشرطة لما يقتل واحد

الشرطة زي ما تكون بتتلذذ في قتل المتظاهرين !!!

عشان كده احنا مش هنصدق الكلام اللي اتقالنا قبل كده 

السلطة بالشكل ده الافضل لها انها تتسلم لحكومة انقاذ وطني 

وان الجيش يلتزم بواجبه الاساسي بانه يحمي البلد وبس 

 بتكوين حكومة انقاذ وطني متفق عليه من جميع الفصائل الان هي 

بطبيعتها حكومة توافقين بين القوى السياسيه و بالتالي سيكون التوافق عليها شئ حتميزائد ان تأجيل انتخابات مجلس الشعب اسبوع ولا اسبوعين لا هيقلل ولا هيزود من شعبيه مرشح من المرشحين
بالعكس انا شايفه ان مرشحين مجلس الشعب الايام دي اسوأ مرشحين مروا على مصر

 مرشحين ولا تعرف هما مين و نصهم من فلول النظام السابق

  

لان بالمنظر ده و احنا فاضلنا شهرين وتكون مرت سنه على الثورة !!!

سنة بدون ادنى تغيير .. حسني او حسين

والتلميذ طول عمره بيكون اسوأ من استاذه

كل حاجة بتكرر زي ما نكون في فيلم الف مبروك !!

خطاب المشير نسخه من خطاب حسني مبارك

الشرطة و الامن المركزي بيضرب المتظاهرين

الغاز المسيل للدموع متوفر وبغزارة

لا وحاليا في غاز جديد كمان بيوزعوه على المتظاهرين كهدية

اللي في التحرير دول مش بلطجيه ،، لان الحكومة هي اللي عملت البلطجيه اصلا

اللي في التحرير دول مش اجندات و خونه و عملاء ،، لان العميل بيدمرك من بعيد مش بيعرض نفسه للموت عشان يدمرك

اللي في التحرير دول مصريين ،، عشان كده بيموتوا لانهم بيحبوا البلد دي

صعب اوي منظر شهيد مرمي في الزباله

مفيش عميل او بلطجي بيعمل كده

لو في حد بيدمر البلد يبقا هما مش احنا

فكر و قولي ليه النظام السابق مش بيتحاكم محاكمة عادله؟؟

ليه البطئ في القرارات ؟؟

ليه كل واحد فيهم متمسك بالكرسي ومش عايز يسيبه؟؟

اراهن ان الحكايه مش حكايه سرقة فلوس البلد وبس

اكيد في مصايب تانيه عاملينها في البلد وخايفين ان الناس تعرفها

واضح ان البلد اتباعت

بس لو هما قرروا يبيعوا البلد احنا مش هنسمحلهم

ساعات الامل بيطلع من ملل

و مصر طول عمرها عايشة في ملل ،، حتى الملل في تكرار التصرفات الغبيه مرة تانيه

واضح ان مفيش حد سامع المصريين في التحرير

بس ربنا اكيد سامعهم .. وربنا معاهم ومش هيضيع حق المصري الحر

لو انت مش معاهم مترجعش تندم لما تعرف انهم على حق

عشان ساعتها هتكون جبان و من بتوع احنا اسفين يا ريس ،، احنا اسفين يا مشير

ولو برضو الوضع متغيرش وفضلنا زي ما احنا 

يبقا احنا اسفين يا صلاااااح ،، عشان واضح ان مفيش اصلاح

عن الحب

الحب شئ جميل اوي .. بيلمع   وله قدره على الجذب غير عاديه .. بيقدر يشدك له وقت ما هو عاوز لو حبيت تدور عليه عمرك ما هتلاقيه ،، لكن لو مفكرتش فيه بيجي لحد عندك
بجد الحب حاله صعب الواحد يفهمها ،، هو الحب حلو فعلا ، ولا كله عذاب وقهر وذل
الحب احساس جميل ، احساس زي ما يكون في عز الشتا والناس كلها بردانه .. تكون انت الوحيد اللي حاسس بالدفا

الحب مسئولية بين اتنين حد انت مسئول منه و عنه في نفس الوقت
الحب انك تعمل كل حاجة ، لشخص انت عنده كل حاجة

الحب احساس بانك مش لوحدك حتى لو كنت لوحدك ،، واحساس انك لوحدك مع حبيبك وبس حتى لو مكنتش لوحدك

بس المشكلة في الحب واللي بيخلي الحب عباره عن جحيم متجسم في علاقه بين شخصين
الغباء في الحب 

ان الطرفين يفضلوا شايلين من بعض ،، ساعتها هيجيلهم لحظة في خناقه واحدة ولو بسيطة بس هتدمر كل حاجة ما بينهم

عشان كده لازم يكون في صراحه انهم يكونوا في الحته دي صحاب
كل واحد يشتكي للتاني منه و الطرف التاني يسمع وميضايقش وينسى في اللحظة دي ان الشكوى دي عليه هو


ومن الحاجات اللي ممكن تدمر الحب هو مشكلة في الرجاله عامة
مشكلة اي راجل الانانيه ساعات الانانيه دي بتكون حلوة وساعات بتبقا لا تطاق

الراجل مشكلته انه في الحب بيفكر كراجل
اما البنت لما بتحب بجد بتفكر كراجل و كبنت عشان تقدر تفهم حبيبها

لازم الاتنين يفهموا بعض عشان يقدروا يعيشوا مع بعض
واكيد الكدب والغدر والخيانه وحاجات كتير اوي ممكن تدمر الحب

وساعات الحب هو بيدمر نفسه


الحب مش بس كلام ،، الحب ده حاجات كتير اوي

الحب ده فعل


بس عشان الحب يكون فعل .. محتاج الاول رد فعل

نصيحتين ع الماشي

هيتقال عليا هبله بس حاجة زعلتني بجد النهاردة .. لما شاب كويس وبيشتغل رسام ومعاه لوحة جميلة بجد جداااا وكل ما يروح لجاليري عشان يبيع اللوحة بتاعته يقولوا مش عايزين بجد منظره وهو مقهوور زعلني اوووي لدرجة اني لو اقدر اشتريها انا كنت اشتريتها
ليه بنحب نذل الناس ونقهرهم طب حتى قولوا لأ بطريقة احسن من كده هو ده ذنبه انه بيكافح وبيشتغل؟؟؟؟؟؟

بجد اللي بيحصل ده غباء .. بغض النظر عن الناس اللي هتقولي الثورة هتغير والخ .. انا عارفه انها هتغير ان شاء الله بس بعد وقت طوييللان الناس مش هتتغير من يوم وليلة بس انا اللي مزعلني ايه اللي عمل الناس كده من الاساس ،، ليه بنحب نحبط اي حد اودامنا ونحسسه انه فاشل

محدش في المحلات دي كلف خطره وبص ولو نظره سريعه ع اللوحة .. طب قوله انك مش محتاج قولهاله بطريقة فيها ذوق

بس احنا وصلنا اننا بنحكم ع الناس من المظاهر الخارجيه بس

خلاص حكمت عليه انه فاشل من غير ما تبص

انا تعبت من الناس دي بجد .. لان انا نفسي بعاني منهم

مجتمع ضيع مجهودي وتعبي وحكم عليا ان مستقبلي يضيع واعيش في مكان مش مكاني

بس استفدت اني اكتشفت حاجة جوايا وبتمنى اني اكون صحفيه او كاتبه

احلااااااااااام بقا

لاني للاسف كنت من الناس اللي بيحلموا انهم يدخلوا كليات القمة لمجرد دخولها وخلاص

مش مهم انك تدخل كليه كبيرة او مشهورة والناس يقولوا المهندس جه او الدكتور راح

المهم تعمل اللي انت بتحبه وعايز تعمله

مش اللي بيطلبه منك اهلك او المجتمع .. هو خلاص البلد كلها هتبقا دكاتره و مهندسين

يالهووووي ليييه يعني

انا لا احمل ضغينه لاي حد منهم بالعكس انا كان نفسي ابقا مهندسه في يوم

بس الحمدلله اكتشفت اني بحب اكتب اووووي حتى لو كتاباتي دي محدش هيقراها مش مهم المهم اني اطلع اللي جوايا

اعمل حاجة انا عايزة اعملها وبحب اعملها وبحس بسعادة وقتها لما اعمل الحاجة دي

بجد لاي انسان احبط اخوه الانسان في مرة احبك اقولك حاجة

في علم النفس والاجتماع في حاجة اسمها الوصمة الاجتماعيه : وهي عبااره عن لما المجتمع يوصف شخص بانه مثلا مجرم وهو مش مجرم

ألشخص ده يتحول لمجرم بسبب المجتمع ده

بجد انت ممكن تدمر شخص والشخص ده يدمر غيره كتيييييير

ممكن بكلمة تجرحه يخليه مثلا ينهي حياته .. وعلى فكره هتتحسب انك قتلته - دي فتوى من وجهة نظري - بس مش شرط ان الانسان ينهي حياته بالموت

بالعكس ممكن ينهي حياته بالمبالاة وانه يكون يائس من اي حاجة ويرفض انه يشتغل او يتعب

لانه شايف انه كده كده ولا حاجة

وللاسف انا في الحاله دي فعلا

فكر قبل كل تصرف .. الدنيا بتتغير اهو خلاص

ليه احنا اللي مش عايزين نتغير ..

وكل واحد حس باحباط مرة مش عايزاه يزعل او يضايق

ومن حقك ان تعترض على اي حد يحبطك لانه مش من حقه يحبطك

وعلى فكره سياسة الدولة المخلوعه كانت كده

محدش يقنعني انك المصريين مكانوش محبطيين

كلنا كان عندنا احبااط ويأس ان مفيش حاجة هتتغير واننا هنعيش ونموت ومبارك قاعد على قلبنا ومربع

بس كسرنا حاجز اليأس والاحباط

عشان كده هقول للمرة الملييوون نصيحتين

* بلاش تحبط غيرك .. تقدر تنصح وبطريقة واسلوب كويس بس بلاش تدمر انسان مالوش ذنب

* ولو انسان في يوم احبطك عاوزاك تثق في نفسك واوعا تسلم نفسك لليأس عشان هيقتلك وهتعيش بجسمك ع الارض
وروحك هتكون اتسحبت منك وضاعت وهتفقد القدرة على انك تشوف الكون الا بنظرة واحدة كلها تشاؤوم